حزة المغرب
إلتمحتـه حـزة المغـرب خشف ريـم زاهـي ابطيبه
صوت لحنـه شيـق يطرب باللطافـه وزيــن ترتيبـه
مـن صوابي قلبـي اتعذب كيف ذا المحبـوب اسوي به
لي وصوفـه بالحسن تنهب نظرتـه يا مانـع عجيبــه
رمش عينه كالسهم يضرب هـوه لـي يعالـج تصاويبه
لـي وداده يالخوي متعب دوم نفسي فـي مطاليبــه
مطلبـه بيهون لو يصعب منعـزل ردفـه عـن الحيبه
مبعـد عنـي ولـو يقرب فـي نظـرته يبـدي الهيبه
هـو إذا للنفس لـو ينهب خاضـع لامـره وتصاويبـه
يعل داره من المزن تشرب غيث" م " المعبود يضفي به
والجفـاف من البلد يذهب والمياه اتفيض فـي اشعيبه
والغضي من منظره يطرب وكلهـا الجيعـان تغنـي به
*******
شاطيء الراحة
ياشاطئ الراحـة وياشاطئ الزين القلب بك يلقي غرامـه وراحه
ييتك وقـرت من بعد شوفك العين وانسيت بك هم الزمان وجراحه
فيك النسايم مثـل فـوع البساتين لي بالزهر يانـع وفاحت رياحه
بك تنتعش روح المولع من سنين والقلب في قربك يزيد انشراحه
تلفـي على شاطيـك كل المزايين لي نافـلات بالحسن والمـلاحه
لبيض لي شروا الحصابي المثامين الخـرد اللي ينـورن كل ساحه
والزين لي يسكن وسط ناظر العين ياكم زاره فـي مساه وصباحـه
زاره وزاده فـوق زينه بعـد زين حتى غدا للحسن والزيـن واحه
*******
عذلت نفسي عن هواكم
عذلـت نفسي عـن هواكم واقنتهـا بللي لهـم قـد
ضافين مـا صاروا شراكم يـروون ولهـم دونيه حد
وابعدت نفسي عن حماكم ومن النكـاده ريت لي بد
واخلصت نفسي من عناكم واليـوم قلبـي عنكم ابعد
في ربـوة ما هـو حذاكم فـي شامخ اخضر ويسند
والشهد اضرب عقب ماكم لي مدحن مكـدر ومسـود
مرفوض عـذر من جداكم ومحال نفسي صوبك اترد
هـذا جـوابي اليوم ياكم والباب عنكـم غلج وانسد
الله يرحمه ويغمد روحه الجنه قولوا اميـــــــــــــــــــــــــــن
§( مــنـتـديـات مـلاك الـكـون)§
